| ᠣᠯᠣᠰᠤᠨ ᠤᠲᠠᠰᠤ ᠰᠢᠭ᠋ ᠡᠬᠢ ᠠᠳᠠᠭ ᠨᠢ ᠣᠯᠳᠠᠬᠤ ᠦᠭᠡᠢ᠂ ᠡᠮᠬᠢ ᠵᠠᠮᠪᠠᠷᠠᠭᠠ ᠨᠢ ᠬᠠᠷᠠᠭᠳᠠᠬᠤ ᠦᠭᠡᠢ | ᠣᠯᠠᠨ ᠪᠤᠲᠣᠯ ᠰᠠᠩᠵᠠᠢ ᠭᠤᠸᠠᠢ ᠶᠢᠨ ᠰᠡᠳᠬᠢᠯ ᠢ ᠰᠢᠨᠠᠯᠭᠠᠨᠠ᠃ ᠨᠠᠰᠤ ᠶᠠᠰᠤ ᠬᠤᠶᠠᠷ ᠢᠶᠠᠨ ᠳᠠᠭᠠᠭᠠᠵᠤ ᠶᠠᠳᠠᠭᠰᠠᠨ | ᠡᠨᠡ ᠡᠷᠢᠨ ᠳᠤ ᠭᠡᠮ ᠠᠷᠬᠠᠭ ᠳᠠᠪᠬᠤᠴᠠᠭᠠᠳ ᠴᠣᠬᠤᠮ ︽ᠬᠠᠨᠠᠲᠤ ᠭᠡᠷ ᠠᠴᠠ ᠪᠠᠨ ᠰᠠᠯᠵᠤ ᠬᠠᠳᠠᠨ ᠭᠡᠷ ᠲᠤ | ᠣᠶᠢᠷᠠᠲᠤᠭᠰᠠᠨ︾ ᠪᠤᠯᠤᠯᠳᠠᠢ᠃ ᠶᠠᠭ ᠶᠠᠪᠤᠬᠤ ᠶᠢᠨ ᠡᠨᠡ ᠤᠨᠢᠨ ᠳᠡᠭᠡᠷᠡ ᠤᠨᠠᠭᠰᠠᠨ ᠨᠤᠲᠤᠭ ᠤᠤᠭᠤᠭᠰᠠᠨ ᠤᠰᠤ | ᠠᠴᠠ ᠪᠠᠨ ᠰᠠᠯᠵᠤ ᠲᠦᠪᠳᠡᠬᠦ ᠪᠠᠨ ᠪᠣᠯᠢᠵᠤ᠂ ᠡᠯᠢᠭᠡᠨ ᠰᠠᠳᠤᠨ᠂ ᠡᠬᠡᠨᠡᠷ ᠬᠡᠦᠬᠡᠳ᠂ ᠪᠠᠭᠠ ᠶᠢᠨ ᠦᠶᠡ ᠶᠢᠨ ᠪᠠᠶᠠᠷ | ᠵᠢᠷᠭᠠᠯᠲᠤ ᠤᠴᠢᠷ ᠤᠳ᠂ ᠠᠩᠬᠠᠨ ᠤ ᠳᠤᠷᠠᠯᠠᠯ ᠁ ᠵᠡᠷᠭᠡ ᠥᠩᠭᠡᠷᠡᠭᠰᠡᠨ ᠤᠴᠢᠷ ᠪᠣᠯᠭᠠᠨ ᠪᠤᠳᠤᠯ ᠰᠡᠳᠬᠢᠯ | ᠳᠤᠨᠢ ᠨᠡᠪᠴᠢᠭᠡᠳ ᠣᠷᠣᠨ ᠭᠠᠷᠤᠨ ᠡᠷᠭᠢᠯᠳᠦᠵᠦ᠂ ᠰᠡᠳᠬᠢᠯ ᠵᠢᠷᠦᠬᠡ ᠶᠢ ᠨᠢ ᠡᠮᠵᠡᠭᠯᠡᠭᠦᠯᠦᠨ ᠡᠭᠡᠵᠡᠭ ᠲᠠᠢ | ᠰᠠᠨᠠᠭᠳᠠᠵᠤ᠂ ᠡᠩᠰᠡᠷᠡᠲᠡᠯᠡ ᠪᠤᠳᠤᠡᠠᠳᠠᠬᠤ ᠶᠢᠨ ᠬᠠᠯᠠ ᠲᠠᠢ ᠭᠡᠵᠡᠢ ᠠ᠋︕ | ᠰᠠᠩᠵᠠᠢ ᠭᠤᠸᠠᠢ ᠲᠦᠷ ᠴᠠᠭ ᠴᠦ ᠭᠡᠰᠡᠨ ᠡᠨᠡ ᠬᠦ ᠰᠡᠳᠬᠢᠯ ᠤᠨ ᠲᠡᠮᠡᠦᠯᠦᠯ ᠠᠴᠠ ᠮᠤᠯᠲᠤᠷᠠᠬᠤ ᠶᠢᠨ | ᠲᠥᠯᠥᠭᠡ ᠭᠠᠷ ᠤᠨ ᠠᠶᠠᠷ ᠨᠣᠮ ᠤᠨ ᠲᠠᠯᠪᠢᠭᠤᠷ ᠠᠴᠠ ᠨᠢᠭᠡ ᠳᠡᠪᠲᠡᠷ ᠰᠢᠭᠦᠷᠡᠨ ᠠᠪᠤᠪᠠᠯ ︽ᠰᠢᠵᠢᠮ ᠨᠢ | ᠲᠠᠰᠤᠷᠬᠠᠰᠡᠨ ᠴᠠᠭᠠᠰᠤᠨ ᠰᠢᠪᠠᠭᠤ︾ ᠭᠡᠰᠡᠨ ᠨᠣᠮ ᠪᠠᠶᠢᠯᠠ᠃ ᠨᠣᠮ ᠢ ᠦᠵᠡᠮᠡᠭᠴᠡ᠂ ︽ᠰᠢᠵᠢᠮ ᠨᠢ | ᠲᠠᠰᠤᠷᠬᠠᠰᠡᠨ ᠡᠨᠡ ᠬᠦ ᠴᠠᠭᠠᠰᠤᠨ ᠰᠢᠪᠠᠭᠤ ᠰᠢᠭ᠋ ᠠᠮᠢ ᠭᠤᠣᠯ ᠲᠠᠰᠤᠷᠠᠬᠤ ᠪᠠᠷ ᠰᠦᠭ ᠰᠦᠨᠡᠰᠦ ᠴᠦ | ᠰᠢᠵᠢᠮ ᠠᠴᠠ ᠪᠠᠨ ᠲᠠᠰᠤᠷᠠᠭᠠᠳ ᠶᠢᠰᠦᠨ ᠲᠡᠭᠷᠢ ᠶᠢᠨ ᠴᠠᠭᠠᠨᠠ ᠵᠢᠪᠠᠷ ᠤᠨ ᠠᠶᠠᠷ ᠡᠷᠬᠡ ᠳᠤᠷᠠ ᠪᠠᠷ ᠢᠶᠠᠨ ᠬᠠᠯᠢᠨ | ᠨᠢᠰᠴᠦ᠂ ᠶᠢᠷᠲᠢᠨᠴᠦ ᠶᠢᠨ ᠤᠯᠠᠭᠠᠨ ᠲᠣᠭᠤᠰᠣᠨ ᠳᠠᠬᠢ ᠠᠨᠳᠠ ᠨᠠᠶᠢᠵᠠ᠂ ᠠᠮᠠᠷᠠᠭ ᠰᠠᠳᠤᠨ ᠢᠶᠠᠨ ᠲᠠᠭᠢᠨ ᠣᠯᠵᠤ | ᠦᠵᠡᠳᠡᠭ ᠴᠦ ᠪᠣᠯᠪᠠᠤ ᠳ᠋ᠠ︖︾ ᠭᠡᠵᠦ ᠥᠪᠡᠷ ᠠᠴᠠ ᠪᠠᠨ ᠠᠰᠠᠭᠤᠭᠰᠠᠨ ᠪᠤᠯᠪᠠᠴᠣ ︽ᠲᠡᠶᠢᠮᠤ ᠰᠢᠤ︾ ᠭᠡᠵᠦ | ᠬᠡᠯᠡᠴᠢᠬᠡᠮᠡᠷ ᠵᠥᠪ ᠬᠠᠷᠢᠭᠤᠯᠲᠠ ᠠᠯᠠᠭᠠ ᠪᠠᠶᠢᠯᠠ᠃ | ᠣᠷᠢᠶᠠᠯᠳᠤᠵᠤ ᠵᠠᠩᠭᠢᠷᠠᠭᠰᠠᠨ ᠤᠯᠠᠨ ᠪᠤᠳᠣᠯ ᠢᠶᠠᠨ ᠲᠠᠶᠠᠭᠳᠠᠵᠤ᠂ ᠪᠦᠭᠦ ᠠᠩᠬᠠᠷᠤᠯ ᠢᠶᠠᠨ ᠲᠥᠪᠯᠡᠷᠡᠭᠦᠯᠦᠨ | ᠨᠣᠮ ᠢᠶᠠᠨ ᠤᠷᠪᠠᠭᠤᠯᠵᠤ᠂ ᠦᠰᠦᠭ ᠳᠠᠷᠠᠭᠠᠯᠠᠨ ᠤᠩᠰᠢᠭᠰᠠᠨ ᠪᠤᠯᠪᠠᠴᠤ ᠶᠠᠭᠤ ᠴᠦ ᠴᠡᠭᠡᠵᠢᠯᠡᠭᠳᠡᠬᠦ ᠦᠭᠡᠢ ᠪᠦᠦᠷ | ᠲᠦᠦᠷ ᠰᠠᠨᠠᠭᠳᠠᠬᠤ ᠮᠥᠷᠲᠡᠭᠡᠨ ᠨᠢᠳᠦᠨ ᠬᠠᠷᠠᠭᠠ ᠴᠦ ᠪᠦᠷᠦᠯᠵᠡᠭᠡᠳ ᠮᠥᠷ ᠦᠰᠦᠭ ᠢᠶᠠᠨ ᠠᠯᠳᠠᠵᠤ᠂ ᠵᠡᠭᠦᠳᠦ | ᠵᠡᠷᠭᠡᠯᠭᠡᠨ ᠠᠴᠠ ᠪᠠᠨ ᠰᠡᠷᠡᠭᠰᠡᠨ ᠰᠢᠭ ᠡᠯᠡᠷ ᠪᠠᠯᠠᠷ ᠪᠣᠯᠵᠤ᠂ ᠤᠩᠰᠢᠭᠰᠠᠨ ᠵᠦᠢᠯ ᠢᠶᠠᠨ ᠭᠱᠠᠨ ᠵᠠᠭᠤᠷᠠ ᠮᠠᠷᠲᠠᠬᠤ | ᠶᠤᠮ᠃ | ︽ᠬᠥᠳᠡᠭᠡ ᠬᠡᠭᠡᠷᠡ ᠤᠷᠭᠤᠭᠰᠠᠨ ᠨᠡᠷᠡ ᠶᠢ ᠨᠢ ᠦᠯᠤ ᠮᠡᠳᠡᠬᠦ ᠴᠡᠴᠡᠭ ᠴᠢ᠂ ᠶᠠᠭᠠᠬᠢᠭᠰᠠᠨ ᠬᠥᠭᠡᠷᠦᠬᠦᠨ | ᠪᠤᠢ︖ ᠬᠥᠮᠥᠨ ᠵᠤᠨ ᠤ ᠪᠠᠭ᠋ᠠᠷᠬᠠᠯ ᠢ ᠲᠠᠲᠠᠭᠠᠳ ᠪᠠᠳᠠᠷᠠᠨ ᠳᠡᠯᠭᠡᠷᠡᠬᠦ ᠶᠢᠨ ᠬᠢᠨᠢ ᠰᠣᠷᠭᠤᠭ ᠭᠡᠳᠡᠭ ᠨᠢ ᠁︾ | ᠭᠡᠵᠦ ᠠᠯᠢ ᠡᠷᠲᠡ ᠵᠠᠯᠠᠭᠤ ᠶᠢᠨ ᠦᠶᠡ ᠳᠤ ᠬᠠᠭᠠᠰ ᠳᠤᠲᠠᠭᠤ ᠪᠢᠴᠢᠭᠡᠳ ᠬᠠᠶᠠᠭᠰᠠᠨ ᠨᠢᠭᠡᠨ ᠨᠠᠶᠢᠷᠠᠭᠤᠯᠤᠯ ᠤᠨ | ᠦᠭᠡ ᠥᠭᠦᠯᠡᠪᠦᠷᠢ ᠭᠡᠨᠡᠳᠲᠡ ᠲᠠᠷᠢᠬᠢᠨ ᠳᠤ ᠨᠢ ᠬᠠᠷᠪᠤᠨ ᠣᠷᠣᠵᠤ ᠢᠷᠡᠪᠡ᠃ | ᠡᠪᠦᠯ ᠤᠨ ᠬᠦᠢᠲᠡᠨ ᠤ ᠵᠢᠬᠡᠭᠦᠨ ᠵᠢᠪᠠᠷ ᠲᠤ ᠭᠡᠭᠡᠪᠴᠢ ᠶᠢᠨ ᠰᠢᠯ ᠮᠥᠰᠥ ᠴᠠᠰᠤ ᠪᠠᠷ ᠪᠦᠷᠬᠦᠭᠳᠡᠵᠡᠢ᠃ | ᠬᠠᠷᠠᠩᠭᠤᠢ ᠳᠤ ᠠᠰᠠᠭᠠᠭᠰᠠᠨ ᠯᠠ ᠥᠪᠡᠷ ᠤᠨ ᠮᠡᠳᠡᠯ ᠦᠭᠡᠢ ᠭᠡᠷᠡᠯᠲᠦᠵᠦ᠂ ᠥᠴᠥᠬᠡᠨ ᠪᠤᠯᠪᠠᠴᠤ ᠭᠡᠷᠡᠯ ᠭᠡᠭᠡ ᠪᠠᠨ | ᠲᠡᠭᠦᠨ ᠳᠤ ᠵᠣᠷᠢᠭᠤᠯᠵᠤ᠂ ᠮᠥᠴᠡ ᠥᠩᠭᠡᠷᠡᠬᠦ ᠲᠤᠳᠤᠮ ᠠᠮᠢ ᠨᠠᠰᠤ ᠪᠠᠨ ᠵᠣᠷᠢᠭᠤᠯᠤᠭᠰᠠᠭᠠᠷ᠃ ᠠᠰᠠᠭᠠᠭᠰᠠᠨ ᠯᠠ | ᠰᠢᠭ᠋ ᠲᠥᠭᠡᠯᠡᠵᠦ ᠲᠠᠯᠪᠢᠭᠰᠠᠨ ᠪᠡᠶᠡ᠂ ᠲᠣᠭᠠᠯᠠᠵᠤ ᠲᠠᠯᠪᠢᠭᠰᠠᠨ ᠨᠠᠰᠤ ᠴᠦ ᠥᠨᠥ ᠮᠠᠷᠭᠠᠰᠢ ᠪᠣᠯᠤᠭᠰᠠᠨ ᠠᠮᠢ | ᠨᠠᠰᠤᠨ ᠤ ᠪᠣᠭᠤᠨᠢᠰᠤᠯ ᠨᠢ ᠴᠣᠬᠤᠮ ᠬᠡᠨ ᠤ ᠲᠥᠯᠥᠭᠡ ᠪᠠᠶᠢᠳᠠᠭ ᠢ ᠬᠡᠨ ᠴᠦ ᠮᠡᠳᠡᠬᠦ ᠦᠭᠡᠢ ᠶᠤᠮ ᠳ᠋ᠠ᠃ | ᠡᠮᠦᠨᠡᠬᠢ ᠨᠢ ᠶᠠᠪᠤᠵᠤ ᠬᠤᠶᠢᠨᠠᠬᠢ ᠨᠢ ᠮᠥᠷᠳᠡᠳᠡᠭ ᠮᠥᠩᠬᠡᠷᠡᠰᠢ ᠦᠭᠡᠢ ᠬᠤᠷᠸᠠ ᠳᠤ ᠣᠷᠣᠨ ᠵᠠᠢ ᠪᠠᠨ ᠰᠤᠯᠠᠯᠠᠵᠤ | ᠥᠭᠴᠦ ᠪᠠᠶᠢᠭᠠ ᠨᠢ ᠡᠨᠡ ᠪᠠᠶᠢᠯᠭᠦᠢ ᠭᠡᠵᠦ ᠲᠡᠷᠡ ᠪᠤᠲᠣᠵᠦ ᠠᠮᠵᠢᠯᠠ᠃ | ᠰᠠᠩᠵᠠᠢ ᠭᠤᠸᠠᠢ ᠤᠳᠤᠭᠠ ᠦᠨᠦᠷᠲᠦᠭᠰᠡᠨ ᠪᠦᠯᠢᠶᠡᠨ ᠬᠠᠨᠵᠤᠨ ᠳᠡᠭᠡᠷᠡ ᠢᠩᠭᠢᠵᠦ ᠤᠯᠠᠨ ᠪᠤᠳᠣᠯ ᠳᠤ | ᠣᠷᠢᠶᠠᠯᠳᠤᠨ ᠠᠲᠤᠷᠢᠨ ᠬᠡᠪᠲᠡᠬᠦ ᠳᠤ᠂ ᠬᠥᠳᠡᠭᠡ ᠶᠢᠨ ᠲᠡᠷᠡᠬᠦ ᠨᠡᠷᠡ ᠶᠢ ᠨᠢ ᠦᠯᠤ ᠮᠡᠳᠡᠬᠦ ᠴᠡᠴᠡᠭ ᠤᠨ ᠰᠣᠳᠣᠨ | ᠰᠠᠶᠢᠬᠠᠨ ᠦᠨᠦᠷ᠂ ᠰᠣᠷᠭᠤᠭ ᠭᠤᠶᠣᠬᠠᠨ ᠥᠩᠭᠡ ᠨᠢ ᠬᠠᠮᠠᠷ ᠲᠤᠨᠢ ᠦᠨᠦᠷᠲᠦᠭᠳᠡᠵᠦ᠂ ᠨᠢᠳᠦᠨ ᠳᠤᠨᠢ | ᠰᠣᠯᠣᠩᠭᠠᠷᠠᠬᠤ ᠮᠡᠲᠦ᠃ | ᠲᠡᠭᠡᠲᠡᠯᠡ ᠲᠡᠷᠡ ᠶᠠᠭ ᠬᠥᠳᠡᠭᠡ ᠬᠡᠭᠡᠷᠡ ᠶᠢᠨ ᠠᠭᠯᠠᠭ ᠠᠭᠤᠳᠠᠮ ᠲᠠᠯᠠ ᠶᠢᠨ ᠳᠤᠮᠳᠠ ᠡᠯᠦ᠋ᠢᠷᠡᠨ ᠪᠠᠯᠠᠶᠢᠷᠠᠨ᠂ | ᠵᠦᠭ ᠴᠡᠭ ᠢᠶᠠᠨ ᠣᠯᠬᠤ ᠦᠭᠡᠢ ᠵᠣᠭᠰᠣᠵᠤ ᠪᠠᠶᠢᠭᠠ ᠪᠠᠨ ᠰᠠᠶ᠋ᠢ ᠣᠯᠵᠤ ᠮᠡᠳᠡᠭᠰᠡᠨ ᠰᠢᠭ ᠬᠠᠴᠢᠨ ᠰᠠᠨᠠᠭᠳᠠᠯᠠ᠃ | ᠵᠤᠨ ᠤ ᠦᠳᠡᠰᠢ ᠶᠢᠨ ᠰᠢᠷᠠ ᠪᠦᠷᠦᠢ ᠨᠠᠮ ᠵᠢᠮᠬᠡᠨ ᠢᠶᠠᠷ ᠵᠠᠮᠬᠠᠷᠠᠵᠤ᠂ ᠦᠳᠡᠰᠢ ᠶᠢᠨ ᠬᠠᠷᠠᠩᠭᠤᠢ ᠠᠭᠠᠵᠢᠮ ᠢᠶᠠᠷ | ᠶᠢᠷᠲᠢᠨᠴᠦ ᠶᠢᠨ ᠲᠦᠮᠡᠨ ᠵᠦᠢᠯ ᠢ ᠬᠠᠮᠤᠷᠤᠨ ᠠᠪᠴᠤ᠂ ᠡᠶᠡᠪᠡᠷᠭᠦᠤ ᠵᠥᠭᠡᠯᠡᠨ ᠴᠢᠭᠢᠭᠯᠢᠭ ᠠᠭᠠᠷ ᠲᠤ ᠡᠯᠳᠡᠪ | ᠵᠦᠢᠯ ᠤᠨ ᠦᠨᠦᠷ ᠬᠠᠩᠬᠤᠯᠤᠨᠠ᠃ | ᠶᠠᠮᠠᠷ ᠴᠦ ᠰᠡᠷᠡᠯ ᠮᠡᠳᠡᠷᠡᠮᠵᠢ ᠦᠭᠡᠢ ᠭᠡᠭᠡᠪᠴᠢ ᠤᠷᠤᠭᠤ ᠭᠥᠯᠢᠷᠡᠨ ᠰᠢᠷᠳᠡᠭᠡᠳ ᠬᠡᠪᠲᠡᠬᠦ ᠳᠤ᠂ ᠬᠠᠷᠠᠭᠠᠨ | ᠰᠡᠷᠡᠯ ᠢᠶᠠᠷ ᠳᠠᠮᠵᠢᠭᠳᠠᠨ ᠭᠡᠭᠡᠪᠴᠢ ᠶᠢᠨ ᠳᠡᠭᠡᠷᠡ ᠨᠢᠭᠡᠨ ᠬᠡᠦᠬᠡᠨ ᠤ ᠳᠦᠷᠢ ᠵᠢᠷᠤᠭ ᠲᠣᠳᠣᠷᠠᠨ ᠢᠯᠡᠷᠡᠬᠦ ᠰᠢᠭ | ᠪᠣᠯᠪᠠ᠃ ᠲᠡᠷᠡ ᠬᠡᠦᠬᠡᠨ ᠥᠷᠥᠭᠡᠰᠦᠨ ᠭᠠᠷ ᠢᠶᠠᠷ ᠢᠶᠠᠨ ᠡᠷᠡᠦ ᠪᠠᠨ ᠲᠤᠯᠵᠤ᠂ ᠲᠣᠯᠣᠭᠠᠢ ᠪᠠᠨ ᠳᠠᠯᠵᠢᠢᠯᠭᠠᠨ | ᠮᠥᠷᠥᠨ ᠳᠡᠭᠡᠷᠡ ᠪᠠᠨ ᠲᠦᠰᠢᠵᠦ᠂ ᠲᠣᠪ ᠳᠤᠭᠤᠶᠢᠬᠠᠨ ᠢᠶᠠᠷ ᠠᠯᠤᠰ ᠢ ᠪᠠᠷᠠᠯᠠᠨ᠂ ᠠᠭᠠᠷ ᠲᠤ ᠠᠨᠢᠪᠠᠯᠵᠠᠨ ᠲᠦᠭᠡᠬᠦ | ᠣᠳᠣᠳ ᠢ ᠡᠶᠡᠯᠰᠡᠭ ᠰᠢᠷᠳᠡᠭᠦ ᠳᠤ ᠬᠠᠷᠠᠴᠠᠨ ᠳᠤᠨᠢ ᠦᠨᠡᠨᠴᠢ᠂ ᠴᠡᠪᠡᠷ ᠴᠠᠶᠢᠯᠭᠠᠨ ᠳᠦᠷᠢ ᠪᠠᠶᠢᠳᠠᠯ ᠲᠣᠳᠣᠷᠠᠵᠤ᠂ | ᠵᠢᠮᠢᠰ ᠤᠨ ᠤᠯᠠᠭᠠᠨ ᠤᠷᠣᠭᠤᠯ ᠳᠡᠭᠡᠷᠡ ᠪᠠᠨ ᠬᠡᠯᠡᠵᠦ ᠢᠯᠡᠳᠬᠡᠮᠡᠷ ᠦᠭᠡᠢ ᠨᠢᠭᠤᠴᠠ ᠢᠨᠢᠶᠡᠳᠦ ᠲᠣᠭᠯᠠᠭᠤᠯᠵᠤ᠂ | ᠪᠠᠶᠠᠷ ᠵᠢᠷᠭᠠᠯ ᠳᠠᠭᠠᠨ ᠰᠣᠭᠲᠣᠭᠤᠷᠠᠩᠬᠠᠨ ᠪᠠᠶᠢᠯᠠ᠃ | ᠲᠡᠭᠦᠨ ᠤ ᠭᠡᠨᠡᠨ ᠴᠠᠶᠢᠯᠭᠠᠨ ᠮᠦᠰᠢᠶᠡᠳᠦ ᠳᠤ ᠶᠢᠷᠲᠢᠨᠴᠦ ᠶᠢᠨ ᠲᠦᠮᠡᠨ ᠬᠡᠷᠡᠭ ᠤᠨ ᠲᠦᠢᠳ ᠶᠠᠷᠰᠢᠭ᠂ | ᠲᠦᠪᠡᠭ ᠪᠤᠳᠤᠯᠢᠶᠠᠨ ᠢ ᠣᠯᠵᠤ ᠮᠡᠳᠡᠭᠡᠳᠦᠢ ᠶᠢ ᠲᠣᠳᠣ ᠭᠡᠷᠡᠴᠢᠯᠡᠬᠦ ᠮᠡᠲᠦ ᠬᠡᠬᠦᠳᠡᠭ ᠴᠡᠭᠡᠵᠢ ᠨᠢ ᠬᠡᠴᠢᠨᠡᠨ ᠲᠠᠶᠢᠪᠤᠩ | ᠲᠣᠭᠲᠠᠭᠤᠨ ᠢᠶᠠᠷ ᠭᠦᠳᠦᠯᠵᠡᠨ ᠠᠮᠢᠰᠬᠤᠯᠯᠠᠬᠤ ᠠᠵᠢ︖ ᠰᠣᠷᠭᠤᠭ ᠴᠡᠴᠡᠭ ᠤᠨ ᠬᠡᠯᠲᠡᠰ ᠭᠡᠮᠡᠷ ᠤᠷᠢ | ᠵᠠᠯᠠᠭᠤ ᠶᠢᠨ ᠬᠠᠴᠠᠷ ᠨᠢᠭᠤᠷ ᠨᠢ ᠶᠠᠭᠠᠬᠢᠭᠰᠠᠨ ᠴᠡᠪᠡᠷᠬᠡᠨ ᠪᠤᠯᠪᠠᠷᠠᠢ ᠬᠠᠷᠠᠭᠳᠠᠬᠤ ᠨᠢ ᠪᠤᠢ︖ ᠰᠠᠩᠵᠠᠢ ᠭᠤᠸᠠᠢ | ᠲᠡᠭᠦᠨ ᠲᠠᠢ ᠬᠡᠯᠡᠯᠴᠡᠵᠦ ᠶᠠᠷᠢᠯᠴᠠᠬᠤ ᠶᠢ ᠪᠤᠳᠣᠡᠠᠰᠡᠨ ᠪᠤᠯᠪᠠᠴᠤ ᠪᠡᠶᠡ ᠪᠠᠨ ᠪᠠᠷᠢᠭᠠᠳ ᠳᠤᠤᠭᠠᠷᠤᠭᠰᠠᠨ ᠦᠭᠡᠢ᠃ | ᠥᠨᠥ ᠬᠡᠦᠬᠡᠨ ᠬᠠᠯᠠᠭᠤᠨ ᠳᠣᠲᠣᠨᠣᠰᠤᠭ ᠢᠨᠢᠶᠡᠮᠰᠦᠭᠯᠡᠯ ᠢᠶᠠᠨ ᠦᠯᠡᠳᠡᠭᠡᠵᠦ᠂ ᠶᠠᠭᠤ ᠨᠢᠭᠡ ᠶᠢ ᠬᠦᠰᠡᠵᠦ ᠬᠦᠯᠢᠶᠡᠵᠦ | ᠪᠠᠶᠢᠮᠠᠷ ᠰᠠᠨᠠᠭᠳᠠᠨᠠ᠃ | ᠲᠠᠰᠤᠷᠬᠠᠰᠡᠨ ᠪᠤᠳᠣᠯ ᠤᠨ ᠬᠢᠨᠢ ᠬᠥᠪᠴᠢ ᠲᠠᠭᠢᠨ ᠵᠠᠯᠭᠠᠭᠳᠠᠵᠤ᠂ ᠬᠥᠳᠡᠭᠡ ᠬᠡᠭᠡᠷᠡ ᠳᠡᠯᠭᠡᠷᠡᠭᠰᠡᠨ᠂ | ᠬᠥᠭᠡᠷᠦᠬᠦᠢ ᠲᠡᠷᠡᠬᠦ ᠴᠡᠴᠡᠭ ᠢ ᠬᠠᠷᠠᠬᠤ ᠳᠤ ᠨᠢᠭᠡ ᠯᠠ ᠡᠪ ᠡᠩ ᠤᠨ ᠠᠳᠠᠯᠠ ᠰᠣᠷᠭᠤᠭ ᠭᠤᠶᠣᠬᠠᠨ᠃ ᠬᠥᠮᠥᠨ | ᠵᠤᠨ ᠤ ᠪᠠᠭ᠋ᠠᠷᠬᠠᠯ ᠢ ᠶᠠᠭᠠᠬᠢᠭᠰᠠᠨ ᠶᠡᠭᠡ ᠲᠠᠲᠠᠬᠤ ᠶᠤᠮ ᠪᠤᠢ ᠭᠡᠵᠦ ᠦᠷᠭᠦᠯᠵᠢᠯᠡᠭᠦᠯᠣᠨ ᠪᠤᠳᠤᠬᠤ ᠳᠤ ᠠᠰᠠᠭᠠᠭᠰᠠᠨ | ᠯᠠ ᠶᠢᠨ ᠬᠢᠨᠢ ᠭᠡᠷᠡᠯ ᠬᠠᠮᠤᠭ ᠡᠴᠦᠰ ᠤᠨ ᠢᠳᠡ ᠬᠦᠴᠦ ᠪᠠᠨ ᠰᠢᠪᠬᠠᠵᠤ᠂ ᠪᠠᠳᠮᠠᠯᠠᠭᠰᠠᠨ ᠭᠤᠣᠯ ᠨᠢ ᠠᠰᠠᠨ | ᠨᠦᠬᠡᠯᠡᠬᠦ ᠲᠦᠯᠤ ᠪᠠᠨ ᠳᠠᠭᠠᠭᠠᠵᠤ ᠶᠠᠳᠠᠨ ᠴᠡᠴᠡᠷᠬᠢᠯᠡᠨ ᠰᠦᠮᠡᠯᠵᠡᠵᠦ᠂ ᠭᠡᠷᠡᠯ ᠭᠡᠭᠡ ᠨᠢ ᠠᠭᠠᠵᠢᠮ ᠢᠶᠠᠷ ᠬᠠᠷᠢᠵᠤ | ᠪᠦᠳᠡᠭᠢᠷᠡᠨ ᠪᠠᠶᠢᠯᠠ᠃ ᠭᠠᠳᠠᠨᠠ ᠴᠠᠰᠤᠨ ᠰᠢᠭᠤᠷᠭᠠ ᠢᠰᠬᠡᠷᠦᠨ ᠱᠤᠤᠭᠢᠬᠤ ᠨᠢ ᠶᠠᠮᠠᠷ ᠨᠢᠭᠡᠨ ᠲᠤᠡᠠᠰᠢᠨ | ᠠᠷᠢᠶᠠᠲᠠᠨ ᠲᠠᠭᠠᠷᠢᠨ ᠢᠷᠡᠬᠦ ᠮᠡᠲᠦ ᠠᠶᠤᠮᠰᠢᠭᠲᠠᠢ ᠲᠠᠭᠤ ᠴᠢᠮᠡᠭᠡ ᠨᠢ ᠴᠢᠬᠢᠨ ᠳᠤ ᠠᠳᠠ ᠲᠠᠢ ᠰᠣᠨᠣᠰᠳᠠᠨᠠ᠃ | ᠰᠠᠩᠵᠠᠢ ᠭᠤᠸᠠᠢ ᠶᠢᠨ ᠲᠤᠨᠢᠶᠠ ᠮᠠᠭᠤᠲᠠᠢ ᠭᠥᠯᠢᠷᠡᠬᠦ ᠨᠢᠳᠦᠨ ᠤ ᠬᠠᠷᠠᠴᠠᠨ ᠳᠤ ᠥᠭᠡᠷᠡ ᠨᠢᠭᠡᠨ ᠵᠦᠢᠯ ᠤᠨ | ᠶᠠᠭᠤᠮᠠ ᠰᠡᠷᠡᠯ ᠢᠶᠠᠷ ᠨᠢ ᠳᠠᠮᠵᠢᠭᠳᠠᠨ᠂ ᠬᠥᠳᠡᠭᠡ ᠨᠤᠲᠤᠭ ᠤᠨ ᠠᠮᠢᠳᠤᠷᠠᠯ ᠪᠠᠶᠠᠷ ᠪᠠᠶᠠᠰᠬᠤᠯᠠᠩᠲᠤ ᠢᠨᠢᠶᠡᠳᠦ | ᠬᠠᠨᠢᠶᠠᠳᠤ ᠲᠠᠭᠤ ᠱᠤᠤᠭᠢᠶᠠᠨ᠂ ᠨᠠᠷᠭᠢᠶᠠᠨ ᠬᠥᠭᠵᠢᠶᠡᠨ ᠢᠶᠠᠷ ᠰᠣᠯᠢᠭᠳᠠᠵᠤ ᠬᠠᠷᠠᠭᠳᠠᠬᠤ ᠰᠢᠭ᠋ ᠪᠣᠯᠣᠯᠠ᠃ | ᠬᠥᠳᠡᠭᠡ ᠬᠡᠭᠡᠷᠡ ᠶᠢᠨ ᠥᠨᠳᠥᠷ ᠤᠷᠭᠤᠭᠰᠠᠨ ᠡᠪᠡᠰᠦ ᠴᠡᠴᠡᠭ ᠤᠨ ᠳᠤᠮᠳᠠᠭᠤᠷ ᠰᠢᠭᠦᠳᠡᠷᠢ ᠶᠢᠨ ᠮᠥᠬᠦᠯᠢᠭ ᠢ | ᠭᠢᠯᠲᠠᠭᠠᠨᠠᠲᠠᠯᠠ ᠪᠤᠲᠠᠷᠠᠭᠤᠯᠤᠨ ᠬᠤᠶᠠᠷ ᠵᠠᠯᠠᠭᠤ ᠬᠥᠭᠡᠭᠡᠴᠡᠯᠳᠦᠨ ᠲᠠᠭᠤᠯᠴᠠᠵᠤ ᠪᠠᠶᠢᠭᠰᠠᠨ ᠢᠶᠠᠨ ᠵᠤᠭ ᠲᠤᠰᠣᠨ | ᠵᠣᠭᠰᠣᠵᠤ᠂ ᠲᠣᠯᠣᠭᠠᠢ ᠪᠠᠨ ᠨᠡᠶᠢᠯᠡᠭᠦᠯᠦᠨ ᠣᠶᠢᠷᠠᠳᠬᠤ ᠳᠤ ᠲᠠᠳᠡᠨ ᠤ ᠭᠡᠷᠡᠯ ᠰᠠᠴᠤᠷᠠᠭᠰᠠᠨ ᠬᠤᠣᠰ ᠨᠢᠳᠦ ᠨᠢ | ᠰᠠᠩᠵᠠᠢ ᠭᠤᠸᠠᠢ ᠶᠢ ᠬᠤᠷᠴᠠ ᠰᠡᠷᠭᠡᠭ ᠢᠶᠠᠷ ᠢᠨᠢᠶᠡᠮᠰᠦᠭᠯᠡᠨ ᠰᠢᠷᠳᠡᠵᠦ᠂ ᠤᠯᠠᠪᠤᠷ ᠶᠠᠭᠠᠪᠲᠤᠷ ᠬᠠᠴᠠᠷ ᠲᠠᠭᠠᠨ | ᠲᠣᠭᠯᠠᠭᠤᠯᠤᠭᠰᠠᠨ ᠢᠨᠢᠶᠡᠳᠦ ᠪᠠᠨ ᠬᠤᠷᠢᠵᠤ ᠶᠠᠳᠠᠨ ᠢᠰᠪᠡᠯᠵᠡᠨᠡ᠃ ᠲᠡᠳᠡ ᠭᠠᠷ ᠭᠠᠷ ᠢᠶᠠᠨ ᠰᠤᠯᠪᠢᠴᠠᠭᠤᠯᠣᠨ | ᠲᠡᠪᠡᠷᠢᠯᠳᠦᠵᠦ᠂ ᠳᠦᠷᠡᠯᠵᠡᠨ ᠨᠣᠴᠣᠭᠰᠠᠨ ᠬᠠᠶᠢᠷᠠ ᠶᠢᠨ ᠲᠦᠯᠣ ᠳᠡᠭᠡᠨ ᠬᠠᠷᠢᠯᠴᠠᠨ ᠤᠶᠠᠰᠴᠤ᠂ ᠤᠷᠢ ᠵᠠᠯᠠᠭᠤ ᠶᠢᠨ | ᠵᠢᠪᠬᠤᠭᠠ ᠲᠡᠭᠦᠯᠳᠡᠷ᠂ ᠵᠣᠯ ᠵᠢᠷᠭᠠᠯᠲᠤ ᠶᠠᠷᠢᠯᠴᠠᠭᠠ ᠪᠠᠨ ᠦᠷᠭᠦᠯᠵᠢᠯᠡᠭᠦᠯᠤᠨ ᠬᠤᠷᠸᠠ ᠳᠤ ᠮᠥᠩᠬᠡᠷᠡᠬᠦ ᠶᠢ | ᠵᠢᠷᠦᠬᠡᠨ ᠳᠡᠭᠡᠨ ᠵᠠᠯᠪᠠᠷᠢᠨᠠ᠃ | ᠲᠡᠷᠲᠡᠭᠡ ᠠᠯᠤᠰ ᠲᠤ ᠲᠡᠷᠭᠡ ᠬᠥᠭᠯᠡᠵᠦ᠂ ᠲᠡᠮᠡᠭᠡ ᠲᠦᠢᠯᠠᠵᠤ ᠪᠠᠶᠢᠮᠠᠷᠬᠠᠨ᠂ ᠪᠠᠰᠠ ᠮᠣᠷᠢᠨ ᠲᠦᠪᠡᠷᠭᠡᠨ ᠤ | ᠲᠠᠭᠤᠨ ᠴᠦ ᠭᠡᠮᠡᠷ᠂ ᠨᠢᠭᠡᠨ ᠬᠠᠴᠢᠨ ᠰᠣᠨᠢᠬᠠᠨ ᠲᠠᠭᠤ ᠴᠢᠮᠡᠭᠡ ᠪᠦᠦᠷ ᠲᠦᠦᠷ ᠴᠢᠬᠢᠨ ᠬᠡᠩᠭᠡᠷᠭᠡ ᠶᠢ ᠳᠡᠯᠡᠳᠦᠨ | ᠪᠢᠲᠡᠭᠦᠬᠡᠨ ᠰᠣᠨᠣᠰᠳᠠᠨᠠ᠃ ᠡᠨᠡ ᠨᠢ ᠪᠠᠷᠤᠭ ᠨᠠᠭᠠᠰᠢᠯᠠᠵᠤ ᠢᠷᠡᠬᠦ ᠡᠷᠯᠢᠭ ᠤᠨ ᠡᠯᠴᠢ ᠶᠢᠨ ᠤᠨᠤᠭᠠ ᠬᠥᠰᠬᠡ ᠶᠢᠨ | ᠬᠢᠨᠢ ᠲᠠᠭᠤ ᠴᠢᠮᠡᠭᠡ ᠪᠤᠯᠣᠯᠳᠠᠢ ᠁ | ᠰᠦᠮᠡᠯᠵᠡᠨ ᠠᠰᠠᠭᠰᠠᠨ ᠯᠠ ᠶᠢᠨ ᠭᠡᠷᠡᠯ ᠫᠦᠷ ᠫᠦᠷ ᠬᠢᠵᠦ ᠪᠠᠳᠠᠷᠡᠨ ᠳᠤᠸᠠᠯᠠᠭᠠᠳ᠂ ᠬᠠᠮᠤᠭ ᠡᠴᠦᠰ ᠤᠨ | ᠬᠠᠶᠢᠯᠤᠨ ᠤᠶᠠᠰᠬᠤ ᠴᠠᠷᠴᠠᠭᠤ ᠪᠡᠶᠡ ᠶᠢᠨ ᠢᠶᠠᠨ ᠰᠢᠮᠡ ᠰᠢᠭᠦᠰᠦ ᠪᠠᠨ ᠰᠢᠪᠬᠠᠨ ᠠᠪᠤᠭᠠᠳ ᠬᠠᠶᠢᠪᠠᠯᠵᠠᠨ | ᠲᠠᠶᠢᠪᠠᠯᠵᠬᠠᠰᠠᠭᠠᠷ ᠣᠶᠢᠴᠢᠬᠤ ᠳᠤ ᠲᠤᠨᠢᠶᠠ ᠦᠭᠡᠢ ᠰᠦᠮᠡᠯᠵᠡᠬᠦ ᠭᠡᠷᠡᠯ ᠨᠢ ᠶᠠᠭ ᠯᠠ ᠶᠢᠷᠲᠢᠨᠴᠦ ᠳᠡᠭᠡᠷᠡ ᠠᠴᠠ ᠶᠠᠭᠤ | ᠨᠢᠭᠡ ᠶᠢ ᠡᠷᠢᠵᠦ ᠰᠤᠪᠢᠬᠤ ᠰᠢᠭ᠋ ᠰᠠᠯᠵᠤ ᠶᠠᠳᠠᠭᠰᠠᠭᠠᠷ ᠬᠠᠷᠢᠬᠤ ᠳᠤ ᠭᠡᠷ ᠳᠣᠲᠣᠷᠠ ᠠᠭᠠᠵᠢᠮ ᠢᠶᠠᠷ ᠪᠦᠳᠡᠭᠢᠷᠡᠨ | ᠬᠠᠷᠠᠩᠭᠤᠶᠢᠯᠠᠯᠠ᠃ | ᠭᠡᠮ ᠠᠷᠬᠠᠭ ᠲᠠᠭᠠᠨ ᠪᠠᠷᠢᠭᠳᠠᠭᠰᠠᠨ ᠰᠠᠩᠵᠠᠢ ᠭᠤᠸᠠᠢ ᠭᠡᠷᠡᠯ ᠪᠠ ᠰᠡᠭᠦᠳᠡᠷ ᠢ ᠳᠥᠩᠭᠡᠵᠢ ᠡᠭᠡᠯᠵᠢᠯᠡᠭᠦᠯᠦᠨ᠂ | ᠭᠡᠷ ᠤᠨ ᠮᠤᠬᠤᠷ ᠰᠠᠬᠢᠵᠤ ᠬᠡᠪᠲᠡᠬᠦ ᠳᠡᠭᠡᠨ᠄ ︽ᠠᠯᠢ ᠨᠢᠭᠡ ᠡᠳᠦᠷ ᠬᠡᠵᠢᠶᠡ ᠨᠢᠭᠡᠨ ᠴᠠᠭ ᠲᠤ ᠭᠡᠷᠡᠯ ᠨᠢ ᠬᠠᠷᠢᠬᠤ | ᠯᠠ ᠰᠢᠭ᠋ ᠢᠶᠠᠨ ᠭᠡᠷᠡᠯ ᠭᠡᠭᠡ ᠭᠡᠮ ᠠᠷᠬᠠᠭ ᠲᠡᠷᠡ ᠪᠦᠭᠦᠨ ᠢ ᠬᠤᠷᠢᠶᠠᠭᠠᠳ᠂ ᠶᠢᠷᠲᠢᠨᠴᠦ ᠳᠤ ᠤᠭᠢᠯᠠᠭᠠᠳ ᠢᠷᠡᠭᠰᠡᠨ | ᠰᠢᠭ᠂ ᠳᠠᠭᠤᠯᠠᠭᠠᠳ ᠶᠠᠪᠤᠬᠤ ᠴᠦ ᠪᠢᠰᠢ᠃ ᠵᠢᠷᠦᠬᠡᠨ ᠳᠡᠭᠡᠨ ᠨᠢᠯᠪᠤᠰᠤ ᠲᠠᠢ ᠪᠠᠷ ᠠᠯᠢᠪᠠ ᠵᠠᠨᠤᠯ ᠬᠤᠷᠣᠰᠤᠯ | ᠠᠲᠠᠭᠠ ᠵᠢᠲᠥᠭᠡ᠂ ᠪᠠᠶᠠᠷ ᠭᠤᠨᠢᠭ ᠶᠠᠭᠤ ᠪᠦᠭᠦᠨ ᠢᠶᠠᠨ ᠠᠪᠤᠭᠠᠳ ᠶᠠᠪᠤᠴᠢᠬᠠᠳᠠᠭ᠃ ᠨᠡᠷᠡ ᠪᠠᠨ ᠮᠥᠩᠬᠡᠷᠡᠭᠦᠯᠵᠦ᠂ | ᠮᠥᠷ ᠢᠶᠠᠨ ᠦᠯᠡᠳᠡᠭᠡᠳᠡᠭ ᠴᠦ ᠪᠢᠰᠢ᠃ ᠡᠵᠢ ᠶᠢᠨ ᠬᠡᠪᠡᠯᠢ ᠳᠡᠭᠡᠨ ᠪᠠᠶᠢᠬᠤ ᠰᠢᠭ᠋ ᠠᠳᠬᠤ ᠪᠢᠲᠡᠭᠦᠦ ᠦᠨᠡᠰᠦ ᠪᠠᠨ | ᠪᠥᠮᠪᠥᠷᠴᠡᠭ ᠤᠨ ᠬᠡᠪᠡᠯᠢ ᠳᠤ ᠪᠤᠯᠠᠰᠢᠯᠠᠭᠤᠯᠤᠭᠠᠳ᠂ ᠨᠢᠭᠡ ᠨᠠᠰᠤ ᠢᠩᠭᠢᠭᠡᠳ ᠳᠠᠭᠤᠰᠴᠢᠬᠠᠳᠠᠭ ᠰᠢᠤ︾ ᠭᠡᠵᠦ | ᠪᠤᠳᠣᠬᠤ ᠳᠤ ᠪᠤᠲᠣᠯ ᠰᠡᠳᠬᠢᠯ ᠨᠢ ᠲᠠᠯᠠ ᠰᠢᠭ᠋ ᠠᠭᠤᠵᠢᠷᠠᠵᠤ᠂ ᠡᠯᠦᠢ ᠬᠤᠯᠤᠢ ᠪᠣᠯᠣᠭᠠᠳ ᠶᠠᠪᠤᠴᠢᠬᠠᠯᠠ᠃ | ᠰᠠᠩᠵᠠᠢ ᠭᠤᠸᠠᠢ ᠶᠢᠨ ᠡᠯᠢᠭᠡᠨ ᠳᠤ ᠴᠠᠭᠠᠷᠢᠭᠯᠠᠨ ᠬᠡᠪᠲᠡᠭᠰᠡᠨ ᠬᠥᠭᠰᠢᠨ ᠮᠤᠤᠷ ᠤᠨ ᠬᠠᠮᠠᠷ ᠲᠠᠲᠠᠬᠤ ᠲᠠᠭᠤᠨ | ᠨᠢ ᠲᠡᠭᠦᠨ ᠳᠤ ᠠᠮᠢ ᠲᠠᠢ ᠪᠠᠶᠢᠬᠤ ᠮᠡᠳᠡᠷᠡᠮᠵᠢ ᠶᠢ ᠣᠯᠭᠤᠨᠠ᠃ |