| ᠬᠠᠪᠤᠷ ᠲᠤ ᠳᠤᠷᠠᠲᠠᠢ ᠪᠣᠯᠬᠤᠷ ᠪᠢ ᠬᠠᠪᠤᠷ ᠤᠨ ᠲᠤᠬᠠᠢ ᠳᠠᠭᠤᠯᠠᠯ ᠢᠶᠠᠨ ᠪᠢᠴᠢᠵᠦ ᠪᠠᠶᠢᠨᠠ᠃ | ᠬᠠᠪᠤᠷ᠂ ᠬᠠᠬᠢᠷ ᠡᠪᠦᠯ ᠢ ᠦᠯᠲᠡᠵᠤ ᠬᠠᠯᠠᠭᠤᠨ ᠵᠤᠨ ᠢ ᠤᠷᠢᠬᠤ ᠳᠠᠭᠠᠨ ᠲᠥᠯᠵᠢᠯ ᠠᠮᠢᠯᠠᠯ ᠤᠨ ᠪᠠᠶᠠᠷ | ᠪᠠᠭ᠋ᠠᠳᠤᠯ ᠢ ᠠᠨᠢᠷᠳᠠᠭᠤᠯᠤᠨ᠂ ᠬᠠᠪᠤᠷ ᠲᠠᠷᠢᠵᠤ ᠨᠠᠮᠤᠷ ᠬᠤᠷᠢᠶᠠᠳᠠᠭ ᠤᠨ ᠵᠢᠮᠡ ᠶᠢ ᠮᠥᠷᠳᠡᠵᠦ ᠬᠥᠳᠡᠯᠮᠦᠷᠢ | ᠠᠵᠢᠯ ᠢᠶᠠᠷ ᠰᠦᠮᠪᠦᠷᠯᠡᠬᠦ ᠲᠠᠩᠰᠤᠭ ᠵᠢᠷᠭᠠᠯ ᠤᠨ ᠢᠷᠠᠭᠤ ᠲᠠᠭᠤᠨ ᠢ ᠬᠠᠩᠭᠢᠨᠠᠭᠤᠯᠤᠨ᠂ ᠡᠷᠬᠡᠰ ᠭᠠᠷᠠᠭ ᠡᠷᠭᠢᠬᠦ | ᠲᠦᠷᠪᠡᠨ ᠤᠯᠠᠷᠢᠯ ᠤᠨ ᠣᠷᠴᠢᠯᠲᠠ ᠪᠠᠷ ᠲᠠ ᠪᠢᠲᠡᠨ ᠳᠤ ᠲᠦᠭᠡᠮᠡᠯ ᠬᠡᠰᠢᠭ ᠲᠠᠢ ᠢᠷᠡᠳᠡᠭ᠃ | ᠬᠠᠪᠤᠷ ᠲᠤ ︽ᠡᠰᠡᠨᠢᠯ︾ ᠭᠡᠲᠡᠭ ᠪᠠᠲᠤ ᠲᠠᠩᠭᠠᠷᠢᠭ ᠲᠠᠢ ᠮᠥᠩᠬᠡ ᠶᠢᠨ ᠰᠢᠲᠦᠭᠡᠨ ᠪᠠᠶᠢᠳᠠᠭ ᠪᠣᠯᠬᠤᠷ | ᠬᠠᠶᠠ ᠵᠠᠷᠢᠮ ᠳᠠᠭᠠᠨ ᠬᠤᠶᠢᠰᠠᠭᠠᠨᠠᠭᠤᠷ ᠵᠠᠩ ᠨᠢ ᠬᠥᠳᠡᠯᠵᠦ᠂ ᠭᠦᠭᠡᠭᠡ ᠡᠪᠦᠯ ᠤᠨ ᠲᠡᠰᠭᠢᠮᠡ ᠬᠦᠢᠲᠡᠨ ᠰᠢᠭ | ᠲᠡᠭᠡᠷᠡᠮᠭᠡᠶᠢᠯᠡᠨ ᠠᠭᠠᠰᠢᠯᠠᠳᠠᠭ ᠴᠤ ᠨᠠᠭᠠᠨᠠ ᠨᠢ ᠪᠢᠰᠢ ᠴᠠᠭᠠᠨᠠ ᠨᠢ ᠪᠠᠶᠢᠳᠠᠭ ᠨᠠᠷᠠ ᠬᠤᠷᠠ ᠶᠢᠨ ᠡᠶᠡᠪᠡᠷᠭᠦᠤ | ᠵᠣᠬᠢᠴᠠᠯ ᠢᠶᠠᠷ ᠮᠦᠰᠢᠶᠡᠨ ᠳᠡᠯᠭᠡᠷᠡᠳᠡᠭ ᠴᠡᠴᠡᠭᠲᠦ ᠵᠤᠨ ᠤ ᠠᠷᠢᠭᠤᠬᠠᠨ ᠬᠡᠰᠢᠭ ᠨᠢ ᠬᠥᠮᠥᠨ ᠠᠷᠠᠳ ᠤᠨ ᠰᠡᠳᠬᠢᠯ | ᠵᠢᠷᠦᠬᠡᠨ ᠳᠤ ᠡᠯᠢᠭᠡᠨ ᠬᠠᠶᠢᠷᠠ ᠶᠢᠨ ᠤᠶᠠᠩᠭᠠ ᠲᠠᠭᠤᠨ ᠤ ᠡᠭᠡᠰᠢᠭ ᠰᠢᠷᠤᠩᠬᠠᠶᠢᠯᠠᠭᠤᠯᠤᠬᠰᠠᠨ ᠤᠤᠬᠠᠢ | ᠬᠠᠰᠬᠢᠷᠤᠯᠲᠠ ᠠᠯᠳᠠᠭᠤᠯᠳᠠᠭ ᠪᠠᠶᠢᠯᠠ᠃ | ᠬᠠᠪᠤᠷ ᠲᠤ ᠪᠠᠰᠠ ᠦᠬᠡᠷ ᠬᠤᠨᠢᠨ ᠰᠦᠷᠤᠭ᠌ ᠰᠢᠭ ᠥᠶᠥᠭ ᠲᠠᠪᠠᠲᠠᠶᠢᠬᠠᠨ ᠢᠷᠠᠭᠯᠠᠨ ᠬᠡᠪᠲᠡᠬᠦ ᠴᠠᠳᠬᠤᠯᠠᠩ | ᠠᠮᠢᠰᠬᠤᠭᠠ ᠲᠠᠢ ᠲᠠᠷᠭᠤᠨ ᠨᠠᠮᠤᠷ ᠤᠨ ᠳᠤᠷᠠᠰᠤᠮᠵᠢ ᠬᠦᠦᠷᠨᠢᠬᠦ ᠲᠠᠯᠠᠢ ᠵᠢᠷᠭᠠᠯ ᠤᠨ ᠢᠪᠡᠭᠡᠯ ᠪᠠᠶᠢᠳᠠᠭ᠃ ᠲᠡᠷᠡ ᠨᠢ | ᠶᠠᠭ ᠯᠠ ᠬᠠᠨᠢ ᠢᠵᠢᠯᠢ ᠶᠢᠨ ᠮᠢᠨᠢ ᠵᠠᠶᠠᠭᠠ ᠴᠤ ᠶᠤᠮ ᠰᠢᠭ᠋ ᠠᠷᠭᠠ ᠦᠭᠡᠢ ᠬᠥᠭᠡᠷᠦᠬᠦᠨ ᠰᠠᠨᠠᠭᠳᠠᠵᠤ᠂ | ᠠᠮᠢᠨᠴᠢᠬᠠᠨ ᠬᠠᠶᠢᠷᠠ ᠶᠢᠨ ᠮᠢᠨᠢ ᠤᠶᠠᠬᠠᠨ ᠰᠢᠪᠡᠨᠡᠭᠡ ᠪᠤᠯᠳᠠᠭ ᠪᠢᠯᠡ᠃ ᠬᠠᠪᠤᠷ ᠬᠡᠵᠢᠶᠡᠳᠡ ᠭᠥᠯᠥᠭᠡᠯᠡᠵᠦ | ᠰᠣᠶᠣᠭᠠᠯᠠᠬᠤ ᠬᠡᠭᠡᠨᠴᠢᠷ ᠲᠥᠷᠬᠦ ᠪᠠᠷ ᠡᠬᠡ ᠪᠠᠶᠢᠭᠠᠯᠢ ᠶᠢ ᠴᠢᠮᠡᠭᠯᠡᠵᠦ᠂ ᠲᠡᠷᠡ ᠲᠤᠰᠤᠮ ᠢᠶᠠᠨ ᠵᠤᠨ ᠨᠠᠮᠤᠷ ᠤᠨ | ᠵᠤᠤᠮᠠᠯᠵᠠᠭᠰᠠᠨ ᠢᠨᠢᠶᠡᠳᠦ ᠪᠢᠯᠬᠠᠭᠤᠯᠤᠭᠰᠠᠨ ᠬᠠᠶᠢᠷᠠ ᠶᠢᠨ ᠤᠨᠲᠤᠷᠤᠭᠠ ᠲᠠᠢ ᠢᠷᠦᠭᠡᠯ ᠵᠥᠩᠨᠡᠯ ᠢᠶᠠᠨ | ᠳᠡᠪᠰᠢᠭᠦᠯᠵᠦ ᠪᠠᠶᠢᠳᠠᠭ᠃ ᠬᠠᠷᠠᠵᠤ ᠪᠠᠶᠢᠲᠠᠯᠠ ᠬᠠᠭᠠᠯᠭᠠᠨ ᠭᠠᠳᠠᠨᠠ ᠰᠠᠷᠠ ᠰᠢᠨᠡ ᠶᠢᠨ ᠪᠠᠶᠠᠷ ᠪᠣᠯᠵᠤ᠂ ᠰᠠᠶᠢᠬᠠᠨ | ᠮᠣᠩᠭᠤᠯ ᠨᠤᠲᠤᠭ ᠲᠤ ᠮᠥᠩᠭᠦᠨ ᠰᠢᠷᠬᠡᠭ ᠲᠠᠢ ᠴᠠᠭᠠᠨ ᠬᠤᠷᠠ ᠶᠢᠨ ᠴᠢᠭᠢᠭᠯᠢᠭ ᠠᠮᠢᠰᠬᠤᠭᠠ ᠬᠠᠩᠬᠤᠯᠵᠤ᠂ ᠪᠠᠰᠠ | ᠨᠢᠭᠡᠨ ᠬᠠᠪᠤᠷ ᠨᠢᠯᠬᠠ ᠲᠥᠯ ᠤᠨ ᠨᠢᠷᠠᠢ ᠲᠠᠭᠤᠨ ᠲᠠᠢ ᠮᠣᠷᠢᠯᠠᠭᠠᠳ ᠢᠷᠡᠯᠡ ᠁ ᠰᠡᠩᠭᠢ ᠲᠠᠲᠠᠭᠤᠯᠤᠭᠰᠠᠨ | ᠴᠢᠭᠢᠭᠯᠢᠭ ᠠᠮᠢᠰᠬᠤᠯ ᠳᠤ ᠴᠡᠭᠡᠵᠢ ᠰᠠᠷᠠᠭᠤᠯᠵᠢᠨ ᠰᠡᠳᠬᠢᠯ ᠠᠷᠢᠭᠤᠰᠬᠤ ᠨᠢ ᠨᠡᠬᠡᠷᠡᠨ ᠭᠠᠶᠢᠬᠠᠯᠲᠠᠢ᠃ | ᠡᠨᠡ ᠪᠣᠯ ᠬᠠᠨ ᠬᠤᠷᠸᠠ ᠶᠢᠨ ᠭᠠᠶᠢᠬᠠᠮᠰᠢᠭ ᠪᠣᠯᠤᠭᠰᠠᠨ ᠬᠠᠪᠤᠷ ᠲᠤ ᠯᠡ ᠪᠠᠶᠢᠳᠠᠭ ᠰᠢᠳᠢᠲᠦ ᠠᠮᠢᠯᠠᠯ | ᠪᠣᠯᠬᠤ ᠶᠤᠮ᠃ | ᠲᠥᠯ ᠤᠨ ᠲᠠᠭᠤᠨ ᠢᠶᠠᠷ ᠰᠢᠨᠡ ᠣᠨ ᠤ ᠪᠣᠱᠤᠭᠠ ᠪᠠᠨ ᠮᠢᠯᠢᠶᠠᠯᠭᠠᠭᠰᠠᠨ ᠮᠣᠩᠭᠤᠯ ᠨᠤᠲᠤᠭ ᠤᠨ ᠤᠷᠢᠬᠠᠨ | ᠬᠠᠪᠤᠷ ᠲᠤ ᠶᠠᠭᠤ ᠪᠦᠭᠦᠨ ᠲᠡᠭᠰᠢ ᠵᠢᠷᠭᠠᠯ ᠤᠨ ᠮᠦᠰᠢᠶᠡᠳᠦ ᠲᠣᠳᠣᠷᠠᠭᠤᠯᠳᠠᠭ ᠢᠶᠠᠷ ᠨᠤᠲᠤᠭ ᠤᠰᠤᠨ ᠤ ᠮᠢᠨᠢ | ᠬᠥᠮᠥᠨ ᠠᠷᠠᠳ ᠴᠦ ᠥᠷᠥᠮᠡᠨ ᠰᠢᠷᠭᠠᠯ ᠰᠦ ᠶᠢᠨ ᠦᠨᠦᠷ ᠬᠠᠩᠬᠤᠯᠤᠭᠤᠯᠤᠭᠰᠠᠨ ᠢᠲᠡᠭᠡ ᠪᠤᠳᠠᠭᠠᠨ ᠤ | ᠳᠡᠭᠡᠵᠢ ᠪᠠᠨ ᠢᠳᠠᠮᠯᠠᠨ ᠰᠡᠷᠵᠢᠮᠯᠡᠵᠦ᠂ ᠠᠮᠢᠯᠠᠯ ᠲᠥᠯᠵᠢᠯ ᠤᠨ ᠠᠵᠠ ᠵᠢᠷᠭᠠᠯ ᠢ ᠬᠠᠨ ᠬᠤᠷᠸᠠ ᠶᠢᠨ ᠬᠠᠮᠤᠭ | ᠨᠠᠨᠳᠢᠨ ᠪᠡᠯᠡᠭ ᠪᠣᠯᠭᠠᠨ ᠡᠷᠭᠦᠨ ᠪᠠᠷᠢᠭᠰᠠᠨ ᠳᠤᠨᠢ ᠲᠠᠯᠠᠷᠬᠠᠵᠤ ᠪᠠᠶᠢᠳᠠᠭ᠃ ᠶᠡᠷᠦ ᠨᠢ ᠮᠥᠩᠬᠡ ᠲᠡᠭᠷᠢ ᠪᠠᠨ | ᠰᠦᠰᠦᠭᠯᠡᠨ ᠳᠡᠭᠡᠳᠦᠯᠡᠵᠦ᠂ ᠢᠲᠡᠭᠡᠨ ᠤ ᠳᠡᠭᠡᠵᠢ ᠪᠠᠨ ᠰᠡᠷᠵᠢᠮᠯᠡᠨ ᠨᠠᠷᠠᠨ ᠵᠦᠭ ᠲᠤ ᠰᠠᠴᠤᠯᠢ ᠡᠷᠭᠦᠨ ᠮᠥᠷᠭᠦᠨ | ᠳᠠᠭᠠᠳᠬᠠᠬᠤ ᠨᠢ ᠠᠭᠤᠯᠠ ᠤᠰᠤ ᠪᠠᠨ ᠡᠵᠡᠨ ᠰᠠᠬᠢᠭᠤᠰᠤ ᠲᠠᠢ ᠪᠠᠷ ᠦᠵᠡᠨ ︽ᠡᠴᠢᠭᠡ ᠲᠡᠭᠷᠢ ᠡᠬᠡ ᠭᠠᠵᠠᠷ︾ | ᠢᠶᠠᠨ ᠭᠡᠰᠡᠨ ᠠᠮᠢ ᠭᠤᠣᠯ ᠠᠯᠢᠪᠠ ᠶᠢ ᠬᠦᠨᠳᠦᠳᠬᠡᠬᠦ ᠡᠷᠲᠡ ᠳᠡᠭᠡᠳᠦ ᠠᠴᠠ ᠤᠯᠠᠮᠵᠢᠯᠠᠯ ᠲᠠᠢ ᠳᠡᠯᠭᠡᠷ ᠪᠤᠶᠠᠨᠲᠤ | ᠠᠷᠢᠭᠤᠨ ᠲᠠᠷᠬᠠᠨ ᠶᠣᠰᠣ ᠵᠠᠶ᠋ᠢᠭ ᠲᠠᠢ ᠠᠴᠠ ᠪᠣᠯᠤᠭᠰᠠᠨ ᠪᠠᠶᠢᠬᠠ᠃ ᠲᠡᠭᠡᠭᠦ ᠳᠡᠭᠡᠨ ᠬᠥᠮᠥᠰ ᠲᠦᠮᠡᠨ ᠪᠣᠳᠠᠰ | ᠠᠮᠢᠯᠠᠨ ᠳᠡᠯᠭᠡᠷᠡᠬᠦ ᠤᠷᠢᠬᠠᠨ ᠬᠠᠪᠤᠷ ᠲᠤ ᠡᠭᠡᠯᠢᠲᠡᠢ ᠪᠥᠭᠡᠳ ᠬᠠᠶᠢᠷᠠᠲᠠᠢ ᠪᠠᠶᠢᠳᠠᠭ ᠨᠢ ᠣᠷᠴᠢᠯᠠᠩ ᠬᠤᠷᠸᠠ ᠶᠢᠨ | ᠣᠷᠴᠢᠯ ᠵᠢᠮᠡ ᠶᠢ ᠮᠡᠳᠡᠷᠡᠭᠰᠡᠨ ᠠᠴᠠ ᠪᠣᠯᠤᠭᠰᠠᠨ ᠪᠠᠶᠢᠬᠠ᠃ | ︽ᠵᠢᠯ ᠤᠨ ᠠᠵᠢᠯ ᠬᠠᠪᠤᠷ ᠲᠠᠭᠠᠨ︾ ᠭᠡᠲᠡᠭ ᠢᠶᠠᠷ ᠬᠥᠮᠥᠨ ᠬᠠᠷᠠ ᠲᠡᠷᠢᠭᠦᠲᠡᠨ ᠮᠠᠨᠢ ᠬᠠᠪᠤᠷ ᠪᠣᠯᠣᠮᠠᠭᠴᠠ | ᠬᠠᠨᠴᠤᠢ ᠰᠢᠮᠠᠯᠠᠨ ᠭᠠᠷᠮᠠᠭᠠᠶᠢᠯᠠᠨ ᠠᠵᠢᠯᠯᠠᠳᠠᠭ᠃ ᠡᠨᠡ ᠪᠣᠯ ᠤᠷᠢᠬᠠᠨ ᠬᠠᠪᠤᠷ ᠢᠶᠠᠨ ᠤᠭᠲᠤᠬᠤ ᠬᠠᠮᠤᠭ ᠶᠡᠭᠡ | ᠠᠵᠠ ᠵᠢᠷᠭᠠᠯ ᠬᠡᠶᠢᠮᠣᠷᠢ ᠰᠦᠯᠳᠡ ᠪᠣᠯᠬᠤ ᠪᠥᠭᠡᠳ ᠨᠢᠭᠡ ᠶᠣᠰᠣᠨ ᠳᠠᠭᠠᠨ ᠥᠪᠡᠷ ᠪᠢ ᠪᠣᠯᠣᠨ ᠥᠷᠯᠥᠭ ᠶᠡᠭᠡ | ᠡᠬᠡ ᠣᠷᠣᠨ ᠳᠠᠭᠠᠨ ᠬᠠᠷᠢᠭᠤᠴᠠᠵᠤ᠂ ᠠᠮᠵᠢᠯᠲᠠ ᠪᠦᠲᠦᠭᠡᠯ ᠬᠤᠷᠦ᠋ᠢᠯᠠᠭᠰᠠᠨ ᠰᠦᠯᠳᠡ ᠬᠡᠶᠢᠮᠣᠷᠢ ᠪᠣᠯᠬᠤ ᠶᠤᠮ᠃ | ᠲᠡᠭᠡᠭᠦᠯᠡᠷ ᠪᠢᠳᠡ ᠡᠭᠦᠨ ᠢ ᠠᠮᠢᠳᠤᠷᠠᠯ ᠦᠢᠯᠡᠰ ᠢᠶᠠᠨ ᠥᠭᠡᠳᠡ ᠲᠠᠲᠠᠬᠤ ᠣᠮᠣᠭᠰᠢᠯ ᠪᠠᠭ᠋ᠠᠷᠬᠠᠯ ᠤᠨ ᠪᠡᠯᠭᠡ | ᠳᠡᠮᠪᠡᠷᠢᠯ ᠢᠶᠠᠷ ᠡᠷᠬᠢᠮᠯᠡᠨ᠂ ᠰᠠᠨᠠᠵᠤ ᠬᠦᠰᠡᠬᠦ ᠶᠢᠨ ᠡᠷᠬᠡᠨ ᠳᠤ ᠠᠵᠢᠯ ᠠᠮᠢᠳᠤᠷᠠᠯ ᠢᠶᠠᠨ ᠣᠳᠣᠳ ᠤᠨ ᠭᠡᠭᠡ ᠲᠠᠢ | ᠡᠷᠭᠦᠵᠦ ᠶᠠᠪᠤᠬᠤ ᠶᠢᠨ ᠲᠤᠰᠠᠳᠠ ᠲᠤᠭᠤᠰᠢᠲᠠᠢ ᠲᠡᠮᠡᠴᠡᠬᠦ ᠭᠠᠩ ᠵᠣᠷᠢᠭ ᠢᠶᠠᠷ ᠲᠤᠬᠠᠶᠢᠯᠠᠭᠰᠠᠨ ᠤᠶᠢᠯᠡ ᠪᠠᠷ ᠢᠶᠠᠨ | ᠭᠤᠣᠯᠳᠠᠭᠤᠯᠵᠤ᠂ ᠤᠷᠢᠬᠠᠨ ᠬᠠᠪᠤᠷ ᠲᠤ ᠬᠦᠰᠡᠬᠦ ᠮᠥᠷᠥᠭᠡᠳᠬᠦ ᠰᠡᠳᠬᠢᠯ ᠤᠨ ᠢᠯᠴᠢ ᠪᠠᠷ ᠶᠠᠭᠤ ᠪᠦᠭᠦᠨ ᠢᠶᠠᠨ | ᠳᠠᠭᠠᠳᠬᠠᠵᠤ᠂ ᠬᠠᠨᠳᠤᠭᠰᠠᠨ ᠵᠦᠭ ᠲᠤ ᠳᠠᠶᠢᠰᠤᠨ ᠦᠭᠡᠢ ᠶᠤᠮ ᠰᠢᠭ᠋ ᠬᠠᠨᠳᠤᠯᠭᠠ ᠵᠣᠷᠢᠯᠲᠠ ᠲᠣᠳᠣᠷᠬᠠᠢ ᠨᠢᠭᠡᠨ | ᠦᠵᠦᠭᠦᠷᠲᠦ ᠰᠡᠳᠬᠢᠯ ᠢᠶᠠᠷ ᠰᠢᠨᠳᠠᠰᠤ ᠬᠠᠲᠠᠭᠤ ᠮᠣᠩᠭᠤᠯ ᠮᠣᠷᠢᠨ ᠤ ᠵᠣᠷᠢᠭ ᠰᠠᠨᠠᠭᠠ ᠶᠢ ᠪᠠᠳᠠᠷᠠᠭᠤᠯᠤᠨ᠂ | ᠦᠢᠯᠡᠰ ᠤᠨ ᠬᠡᠶᠢᠮᠣᠷᠢ ᠪᠠᠨ ᠮᠠᠨᠳᠤᠭᠤᠯᠵᠤ᠂ ᠢᠲᠡᠭᠡᠯ ᠪᠢᠰᠢᠷᠡᠯ ᠤᠨ ᠰᠦᠮᠪᠤᠷ ᠶᠡᠭᠡ ᠠᠮᠵᠢᠯᠲᠠ ᠶᠢᠨ ᠪᠠᠶᠠᠷ | ᠪᠠᠭ᠋ᠠᠳᠤᠯ ᠪᠣᠯᠭᠠᠨ᠂ ᠰᠢᠨᠡ ᠵᠢᠯ ᠰᠢᠨᠡ ᠬᠠᠪᠤᠷ ᠲᠠᠭᠠᠨ ᠡᠷᠭᠦᠨ ᠪᠠᠷᠢᠬᠤ ᠰᠡᠳᠬᠢᠯ ᠤᠨ ᠪᠡᠯᠡᠭ ᠢᠶᠠᠷ ᠦᠵᠡᠬᠦ | ᠤᠴᠢᠷᠲᠠᠢ᠃ | ᠬᠠᠪᠤᠷ ᠰᠠᠭᠠᠲᠠᠭᠰᠠᠨ ᠡᠬᠡ ᠣᠷᠣᠨ ᠤ ᠮᠢᠨᠢ ᠬᠠᠨᠠᠭᠠᠷ ᠲᠠᠯᠠ ᠶᠢᠨ ᠥᠷᠥᠴᠡᠨ ᠳᠤ ᠬᠤᠨᠢᠨ ᠵᠡᠷᠭᠡᠯᠭᠡᠨ | ᠮᠢᠷᠠᠯᠵᠠᠵᠤ᠂ ᠲᠠᠶᠢᠪᠤᠩ ᠠᠮᠤᠭᠤᠯᠠᠩ ᠤᠨ ᠳᠤᠮᠳᠠ ᠮᠠᠯ ᠰᠦᠷᠤᠭ᠌ ᠲᠠᠯᠠ ᠪᠠᠨ ᠴᠢᠮᠡᠨ ᠪᠡᠯᠴᠢᠵᠦ᠂ ᠬᠠᠷᠠᠭᠠᠨ | ᠦᠵᠦᠭᠦᠷ ᠲᠤ ᠠᠯᠤᠰ ᠤᠨ ᠪᠠᠷᠠ ᠴᠦ ᠠᠭᠤᠳᠠᠮ ᠲᠡᠨᠢᠭᠡᠷ ᠪᠤᠯᠲᠠᠭ᠃ ᠠᠩᠭᠢᠷᠬᠠᠨ ᠰᠠᠨᠠᠭᠳᠠᠬᠤ ᠡᠵᠢ ᠶᠢᠨ ᠮᠢᠨᠢ | ᠪᠠᠷᠠ ᠵᠡᠭᠦᠳᠦᠨ ᠶᠢᠷᠲᠢᠨᠴᠦ ᠶᠢ ᠡᠵᠡᠮᠳᠡᠬᠦ ᠳᠤ ᠠᠭᠤᠯᠠ ᠶᠢᠨ ᠡᠭᠡᠪᠦᠷ ᠪᠠᠯ ᠢᠶᠠᠷ ᠰᠢᠮᠡᠵᠢᠨ ᠤᠷᠤᠰᠬᠤ ᠬᠠᠶᠢᠯ ᠤᠨ | ᠤᠰᠤ ᠶᠠᠭᠤ ᠨᠢᠭᠡ ᠶᠢ ᠰᠢᠪᠡᠨᠡᠵᠦ ᠪᠠᠶᠢᠮᠠᠷᠬᠠᠨ ᠰᠠᠨᠠᠭᠳᠠᠨᠠ᠃ ᠲᠠᠷᠳᠠᠭᠰᠠᠨ ᠮᠠᠯ ᠤᠨ ᠦᠰᠦ ᠭᠤᠤᠵᠢᠵᠤ᠂ ᠠᠵᠢᠯ | ᠠᠮᠢᠳᠤᠷᠠᠯ ᠳᠠᠭᠠᠨ ᠡᠭᠦᠷᠲᠦᠭᠰᠡᠨ ᠠᠷᠠᠳ ᠣᠯᠠᠨ ᠤ ᠰᠡᠳᠬᠢᠯ ᠤᠨ ᠬᠥᠪᠴᠢ ᠶᠢ ᠴᠢᠩᠭᠠᠯᠠᠨᠠ᠃ ᠤᠰᠤᠨ ᠤ | ᠰᠢᠪᠠᠭᠤᠳ ᠢᠶᠠᠨ ᠤᠷᠢᠨ ᠵᠠᠯᠠᠭᠰᠠᠨ ᠠᠷᠤ ᠭᠠᠵᠠᠷ ᠤᠷᠢᠬᠠᠨ ᠳᠤᠯᠠᠭᠠᠨ ᠢᠶᠠᠷ ᠠᠮᠢᠰᠬᠤᠯᠯᠠᠬᠤ ᠳᠤ ᠠᠮᠢᠯᠠᠯ | ᠲᠥᠯᠵᠢᠯ ᠤᠨ ᠲᠦᠭᠡᠮᠡᠯ ᠬᠡᠰᠢᠭ ᠲᠦᠮᠡᠨ ᠤ ᠰᠡᠳᠬᠢᠯ ᠳᠤ ᠪᠠᠶᠠᠷ ᠪᠠᠭ᠋ᠠᠳᠤᠯ ᠤᠨ ᠤᠷᠠᠢ ᠬᠠᠩᠭᠢᠨᠠᠭᠤᠯᠤᠨᠠ᠃ | ᠤᠯᠠᠷᠢᠯ ᠤᠨ ᠲᠦᠷᠦᠭᠦᠦ ᠬᠠᠪᠤᠷ ᠡᠬᠡ ᠨᠤᠲᠤᠭ ᠲᠤ ᠮᠢᠨᠢ ᠢᠩᠭᠢᠵᠦ ᠯᠡ ᠠᠮᠢᠯᠠᠯ ᠣᠯᠭᠤᠳᠠᠭ ᠢᠶᠠᠷ ᠡᠯᠢᠭᠡᠨ | ᠲᠦᠮᠡᠨ ᠤ ᠮᠢᠨᠢ ᠠᠮᠢᠳᠤᠷᠠᠯ ᠦᠢᠯᠡᠰ ᠴᠤ ᠥᠭᠡᠳᠡᠯᠡᠨ ᠬᠥᠷᠥᠩᠭᠡᠵᠢᠵᠦ᠂ ᠥᠨᠢᠷ ᠲᠠᠩᠰᠤᠭ ᠢᠶᠠᠷ ᠲᠡᠭᠰᠢ | ᠵᠢᠷᠭᠠᠬᠤ ᠳᠠᠭᠠᠨ ᠬᠠᠪᠤᠷ ᠲᠤ ᠳᠤᠷᠠᠲᠠᠢ ᠪᠠᠶᠢᠳᠠᠭ ᠨᠢ ᠬᠠᠶᠢᠯᠭᠠᠨ ᠰᠡᠳᠬᠢᠯᠲᠦ ᠬᠥᠮᠥᠨ ᠠᠷᠠᠳ ᠤᠨ ᠮᠠᠨᠢ ᠨᠣᠮ ᠤᠨ | ᠶᠣᠰᠣ ᠪᠠᠶᠢᠵᠤ ᠲᠠᠭᠠᠷᠠᠨᠠ᠃ | ᠬᠠᠪᠤᠷ ᠲᠤ ᠳᠤᠷᠠᠲᠠᠢ ᠪᠣᠯᠬᠤᠷ ᠪᠢ ᠬᠠᠪᠤᠷ ᠤᠨ ᠲᠤᠬᠠᠢ ᠳᠠᠭᠤᠯᠠᠯ ᠢᠶᠠᠨ ᠡᠶᠢᠨ ᠬᠦ ᠤᠶᠠᠩᠭᠠᠯᠠᠵᠤ ᠪᠠᠶᠢᠨᠠ᠃ | |