| ᠤᠳ᠋ᠪᠠᠯᠠ | | ᠬᠤᠨᠢᠳ ᠰᠤᠪᠤᠷᠤᠨ ᠪᠡᠯᠴᠢᠵᠦ ᠭᠠᠷᠬᠤ ᠳᠤ | ᠬᠤᠶᠢᠨᠠ ᠨᠢ ᠬᠤᠴᠣᠷᠤᠭᠠᠳ ᠵᠢᠷᠭᠢᠯᠳᠦᠳᠡᠭ ᠰᠢᠪᠠᠭᠤᠬᠠᠢ | ᠬᠡᠳᠦ ᠬᠡᠳᠦ ᠪᠠᠷ ᠢᠶᠠᠨ ᠭᠠᠵᠠᠷ ᠬᠤᠩᠬᠤᠶᠢᠯᠠᠨ ᠦᠢᠮᠡᠯᠳᠦᠵᠦ | ᠬᠤᠲᠠᠨ ᠤ ᠲᠣᠭᠤᠰᠣ ᠶᠢ ᠠᠮᠢᠯᠠᠭᠤᠯᠤᠨ ᠰᠠᠷᠨᠢᠭᠤᠯᠤᠨᠠ | | ᠪᠠᠭᠠ ᠨᠠᠰᠤᠨ ᠳᠤ ᠪᠠᠨ ᠬᠥᠭᠡᠭᠡᠵᠦ ᠭᠦᠶᠦᠳᠡᠭ ᠰᠢᠪᠠᠭᠤᠬᠠᠢ ᠮᠢᠨᠢ | ᠪᠠᠶᠢᠭᠠᠯᠢ ᠶᠢᠨ ᠬᠤᠪᠢᠷᠠᠯᠲᠠ ᠳᠤ ᠨᠠᠳᠠ ᠠᠴᠠ ᠪᠠᠨ ᠶᠡᠷᠦ ᠬᠤᠯᠠᠳᠠᠭᠠ ᠦᠭᠡᠢ | ᠨᠡᠷᠡᠲᠦ ᠳᠤ ᠵᠠᠶᠠᠭᠠᠭᠰᠠᠨ ᠥᠬᠢᠨ ᠵᠠᠶᠠᠭᠠᠨ ᠤ ᠲᠠᠪᠢᠯᠠᠩ ᠢᠶᠠᠷ | ᠨᠠᠳᠠ ᠶᠢ ᠳᠠᠭᠠᠵᠤ ᠬᠠᠷᠢᠯᠠᠵᠤ ᠢᠷᠡᠭᠰᠡᠨ ᠰᠢᠪᠠᠭᠤᠬᠠᠢ | | ᠡᠪᠡᠳᠴᠦ ᠵᠣᠪᠠᠭ᠋ᠤ ᠶᠢ ᠮᠢᠨᠢ ᠮᠡᠳᠡᠳᠡᠭ ᠴᠤ ᠶᠤᠮ ᠪᠢᠯᠡ ᠤᠤ︖ | ᠦᠬᠦᠯ ᠬᠠᠭᠠᠴᠠᠯ ᠢ ᠵᠢᠭᠰᠢᠳᠡᠭ ᠴᠤ ᠶᠤᠮ ᠪᠢᠯᠡ ᠤᠤ︖ | ᠡᠳᠦᠷᠵᠢᠨ ᠡᠳᠦᠷᠵᠢᠨ ᠶᠠᠭᠠᠷᠠᠯᠲᠠᠢ ᠯᠡ ᠪᠠᠶᠢᠬᠤ ᠶᠤᠮ | ᠡᠳᠦᠷ ᠠᠴᠠ ᠡᠳᠦᠷ ᠲᠤ ᠨᠡᠮᠡᠭᠳᠡᠭᠡᠳ ᠯᠡ ᠪᠠᠶᠢᠳᠠᠭ ᠶᠤᠮ | | ᠮᠦᠢᠯ ᠬᠠᠷᠠ ᠨᠢᠳᠦ ᠶᠢᠨ ᠬᠢᠨᠢ ᠰᠡᠷᠡᠮᠵᠢᠲᠡᠢ ᠶᠢ ᠶᠠᠭᠠᠬᠢᠨᠠ︕ | ᠮᠢᠨᠳᠠᠰᠤᠨ ᠵᠥᠭᠡᠯᠡᠨ ᠬᠥᠳᠡᠯᠭᠡᠭᠡᠨ ᠤ ᠬᠢᠨᠢ ᠪᠤᠰᠢᠭᠤ ᠶᠢ ᠶᠠᠭᠠᠬᠢᠨᠠ︕ | ᠮᠢᠷᠠᠯᠵᠠᠨ ᠬᠠᠯᠢᠭᠤᠷᠠᠨ ᠪᠥᠵᠢᠭᠯᠡᠵᠦ ᠳᠠᠪᠠᠯᠭᠠᠯᠠᠬᠤ ᠨᠢ | ᠮᠠᠩᠨᠤᠭ ᠲᠠᠯᠠ ᠶᠢᠨ ᠤᠰᠤᠨ ᠵᠡᠷᠭᠡᠯᠭᠡᠨ ᠬᠡᠮᠡᠷ | | ᠬᠤᠶᠢᠮᠣᠷ ᠨᠢ ᠳᠤᠯᠠᠭᠠᠨ ᠪᠣᠯᠬᠤᠷ ᠠᠳᠡ ᠨᠤᠲᠤᠭᠰᠢᠳᠠᠭ ᠤᠤ︖ | ᠬᠤᠲᠠ ᠳᠤ ᠮᠢᠨᠢ ᠡᠭᠦᠷᠯᠡᠭᠰᠡᠨ ᠪᠣᠯᠬᠤᠷ ᠨᠠᠳᠠ ᠬᠠᠨᠢᠰᠠᠳᠠᠭ ᠤᠤ︖ | ᠰᠦᠷᠦᠭ ᠤᠨ ᠡᠵᠡᠭᠦᠢ ᠳᠤ ᠬᠤᠲᠠ ᠶᠢ ᠮᠢᠨᠢ ᠴᠢᠮᠡᠭᠯᠡᠨ | ᠰᠡᠳᠬᠢᠯ ᠡᠵᠡᠭᠦ᠋ᠢᠷᠡᠬᠦ ᠳᠤ ᠬᠠᠨᠢ ᠶᠢᠨ ᠪᠠᠷᠠ ᠵᠢᠷᠤᠭᠯᠠᠨᠠ | | ᠬᠡᠯᠡ ᠪᠠᠷ ᠢᠶᠠᠨ ᠪᠢᠰᠢ ᠬᠤᠲᠠ ᠪᠠᠷ ᠢᠶᠠᠨ ᠢᠵᠢᠯᠢᠰᠢᠭᠰᠡᠨ ᠪᠢᠳᠡ | ᠬᠡᠵᠢᠶᠡ ᠴᠤ ᠰᠠᠯᠤᠰᠢ ᠦᠭᠡᠢ ᠳᠣᠲᠣᠨᠣ ᠪᠠᠷᠢᠯᠳᠤᠯᠭᠠ ᠲᠠᠢ | ᠨᠠᠷᠠᠯᠠᠭ ᠬᠤᠷᠸᠠ ᠶᠢᠨ ᠰᠠᠶᠢᠬᠠᠨ ᠪᠦᠬᠦᠨ ᠢ ᠪᠡᠯᠭᠡᠰᠢᠶᠡᠨ | ᠨᠣᠮ ᠤᠨ ᠬᠠᠭᠤᠳᠠᠰᠤᠨ ᠳᠤ ᠮᠢᠨᠢ ᠰᠢᠯᠦᠭ ᠪᠣᠯᠤᠨ ᠵᠢᠷᠭᠢᠭᠡᠷᠡᠢ |